Bilder frå Israel

Glimt frå Israel

Me vaksne og minstemann Mika hadde ein opplevelsesrik tur til Israel frå 6. til 15. mai. Heime var både familie og venner i sving for å ta seg av resten av familien.

Me budde i ein leilighet i Jerusalem som me fekk låna. Dei første dagane var me mykje i gamlebyen og såg og handla. Å vera i Jeruslem som me har lest så mykje om i Bibelen var mest ikkje til å tru. Me såg bort på Oljeberget, gjekk over Kedrondalen til der dei trur Getsemane var og såg plassen der tempelet sto. Det var spesielt å sjå Vestmuren av tempelet der så mange kjem for å be.

Ein dag gjekk me til Gordons Golgata og gravhage. Det var ein flott plass. Då me såg hovudskallen i fjellsida vart me ganske overbeviste om at dette var plassen for "den store verdensbegivenheten", Jesus som ga livet i staden for oss. Og så gå gjennom hagen der og finna ei tom grav som passer til beskrivelsen frå Bibelen. Det var flott. Sjå www.gardentomb.com

Me leigde bil i tre dagar og reiste til Galilea. Skreiv litt frå hotellet der me budde. Det var flott å vera der. Me køyrde rundt sjøen og såg kor Jesus budde, fjellet der dei tru han hadde Bergpreika, og andre interessante plasser.

Me køyrde ned Jordandalen på vei heim, såg over grensa til Jordan og såg mange plantasjar med alle mulige sortar frukt og grønt. Me køyrde forbi Sakkeus sin heimby før me begynte stigninga mot Jerusalem igjen.

Siste dagen med bil vart brukt til ein tur til dødehavet, jorda sitt lågaste punkt. Me var oppe på fjellborga Masada før me flaut som korkar i dødehavet.

På søndag var me på møte i menigheten King of Kings. Sjå www.kkcj.org

Siste dagen i Jerusalem hadde me med oss ei svensktalande jenta som guida oss i ruinene etter Davids by. Interessant å sjå når dei grev ut 3000 år gamle ruiner. Me gjekk i ein ennå eldre tunnel som hadde vore vannledning. Sjå www.cityofdavid.org.il

Det var ein utrulig spennande og god ferie, og Mika oppførte seg eksemplarisk:)

Me sto opp kl 24 den dagen me skulle reisa heim. Det var godt å treffa ungane våre igjen!

I Israel!

Naa er Brith Jorunn, Mika og eg paa tur i Israel. Me har vore nokre dagar i Jerusalem, og i dag har me leigd bil og reist til Genesaretsjoen. Her bur me paa ein nydelig plass like ved bredden av sjoen. I morgon skal me koyra rundt og sjaa plasser me har lest om i Bibelen. Det er utrulig flott aa vera her. Det har vore veldig varmt desse dagane, men det taaler me. Dei plassene som me har tenkt aa besoka dei siste dagane her, er Dodehavet og Getsemane.
Dei foerste dagane har me vore i Jerusalem, og gaatt mykje rundt i gamlebyen, sett Klagemuren, Gordons Golgata og gravhagen og vore paa Holocaust museet. Mange sterke inntrykk.
Legg sikkert ut nokre bilder fraa Israel naar me kjem heim.
Her er ei nettside til plassen me er naa: www.inisrael.com/maagan

Fembarnsmor slår seg laus

Me var nylig på skogtur saman med gode venner. Me laga mat, leika og kosa oss. Det var strålande ver, så ungane fekk fram sommarantrekket og var i storform.

Den store opplevelsen denne dagen var omvendt strikkhopp.(frå bakken og rett til værs). Når ungane hadde fått prøvd dette, syntes Brith-Jorunn at det såg så kjekt ut at det ville hu og prøva. Som sagt, så gjort. Med hyl og skrik tok hu av, og nærmare ei nesten-ulykke enn hennar landing har ingen vore.

Men takk og lov, hu er like heil, og er i full sving frå morgon til kveld:)

Me reiser til Peru

Nå er det lenge sidan denne sida vart oppdatert. Men her kjem litt nytt frå oss. Me har vore ein periode i Peru som misjonærar, og nå planlegg me 3 nye år i Sør-Amerika. Det gleder me oss til. Samtidig kjenner me på spenning for korleis me kjem til å finna oss til rette på andre sida av kloden. Me vaksne tenker på korleis barna vil takla omstillinga til ein heilt ny kvardag, omgitt av eit nytt språk og mange nye inntrykk. Denne veka har me vore hos lensmannen å bestilt pass, og så fekk me veta datoen for utreise: 2.august kl 06.50 reiser me frå Sola. Me skifter fly i Amsterdam og så er det direkte til Lima. 13 timar i fly, det kan lett gå greitt med våre 5 fredfulle barn.
Her kan du lesa litt om korleis dei som er i Peru nå har det: http://nlm.no/index.php?pid=150
Til høgre er det linkar til heimesider og bloggar og.

Bilder av oss

Barnedåp

Søndag 3.desesmber hadde me barnedåp for Mika. Det var ein fin dag, sjølv om det var surt ute. Me hadde dåpen på bedehuset, og der var mange engasjert. David og Peter song saman med Miriam og Filip. Silas var med bestå og henta vatn til dåpen. Nydelig pynt gjorde og sitt til at me følte dette var ein festdag.

Me hadde selskapet heima, der var dei to fadderfamiliane og besteforeldre på plass. Gode venner var med å serverte, pynta, lagte blomsteroppsatsar, kaker og dessert. Så det gjekk nesten av seg sjølv.

Me hadde god mat, og god drøs. Ungane leika og kosa seg, og me hadde nokre leiker der alle var saman.

På måndag hadde me resteselskap for å få hjelp til å eta opp alt det gode me hadde. Me klarte det ikkje då heller.

Endelig kom femtemann

4 november på formiddagen såg femtemann i barneflokken dagens lys. Ein flott, stor gutt på 4500 g og 54 cm. Me er så takknemlige og glade. Brith-Jorunn og han fekk bu på det nye hotellet som ligg vegg i vegg med sjukehuset. Pappa fekk og ei natt på hotell. Men nå er minstemann og mamma kome heim, og det var godt.
Her er eit par bilder av godguten.

Brith-Jorunn

Brith-Jorunn er snart 5-barnsmor, og er veldig klar for fødsel. Hu er den som har kontrollen i heimen, flink til å laga det koselig rundt seg. Liker å vera ute i frisk luft, og er rett som det er ute på tur. Hu er musikalsk, og syng og speler piano. Har ein travel kvardag, og er ei glimrande kone og mamma!

Solveig

Solveig er 1 1/2 år. Hu er ei sjarmerande og blid jenta. Er 3 dagar i veka i barnehage og koser seg der. Hu har Downs syndrom, og har sin eigen blogg: http://solasolveig.blogspot.com/
Der skal me prøva å skriva litt om hu og korleis det er å ha ei jenta med Downs syndrom.

Silas

Silas er 4 år og ein aktiv kar. Går i barnehage 3 dagar i veka. Hans store lidenskap er trakatorar og gravemaskinar. I det siste har han vore mykje ute å sykla på sykkelen sin. Er i trassalderen og har problemer med å forstå kvifor han ikkje alltid kan gjera akkurat som han vil.

Peter

Peter er 7 år. Han liker å sykla, sparka fotball og vera saman med kameratar. Er ein glad gut. Han er eit B-menneske, og slit med å roa seg om kvelden.
Liker godt å vera ute.

Eldstemann

David er eldstemann i flokken vår. Han er snart 9 år. Han liker å sparka fotball, svømma og å vera med venner. Han har nettopp bestemt seg for å læra å spela piano.
Ellers er han glad i å baka. Og han synes det er topp å reisa på leir.

David er ein kjekk gut med mange jern i ilden.

Hjelp, eg blogger

Nå prøver eg å finna på noko å skriva i min rykande ferske blogg.
Eg er ikkje pur ung lenger, men trives som voksen! Eg er gift og har fire barn. I løpet av nokre veker venter me nr 5.
Så eg har ikkje mykje tid til å kjeda meg.

Men det er kjekt å lesa litt forskjellig på nettet, så nå har eg tenkt å bidra med mine gullkorn:)

Treng berre litt tid til å tenka dei ut!

Imens kan dokke sjå på dette bildet, og prøva å få eit godt førsteinntrykk av meg.