Bamse sin nye heim

Bamse har vore litt voldsom i det siste, og me har blitt enige om at me ikkje ville ha han meir. Me tenkte å ta livet av han, men så var det nokre venner av oss som ville ha han. Dei har gard rett utforbi Juliaca.

På søndag var me invitert ut til dei, og då tok me med oss Bamse. På garden var det mange forskjellige dyr, og ungane storkoste seg.

Me fekk god mat. Først ei suppa, med avkappa sauetarmar i. Brith-Jorunn sleit litt med det, men hadde heldigvis Mika på fanget, og han tygde og tygde. Dei store gutane lurte litt på kva dette var, og Brith-Jorunn sa det er noko som er inne i sauen. "Det ser ut som tarmar" seier David. Og litt etterpå: "Smak Peter, det var godt." Etter suppa fekk me eit skikkelig kjøtstykke, poteter og chuño(fryseørka potet).

Ungane var rundt og klappa dei forskjellige dyra, rei på esel og kalv, og prøvte å melka. Så var det volleyballkamp.

Dei me besøkte, var foreldra til Juana, Marcos og Alex, som eg skreiv om for ei stund sidan.

Når me skulle reisa, var det nokre som syntes det var litt trist at Bamse skulle vera igjen, men han har mange å leika med.

Kappgang

Nå har me to stk her i huset som trener veldig på å spasera. Solveig har trent ei stund, men Mika har bare tenkt ut korleis han skal gå. Men nå er dei så fornøgde begge to når dei går nokre steg.

På tide med justering av hjulstilling???

Tilbake i Juliaca

Det var godt å koma heim til Juliaca etter ferie på kysten og i Arequipa. I løpet av dei første vekene i januar hadde me fått mange julekort, det var kjekt. Takk til dokke som sende oss ei helsing i post eller på mail. Det set me stor pris på.

På måndag begynte eg som lærar på bieblskulen. Underviser 11 ungdommar i kva Bibelen seier om tilgivelse. Det er ein fin gjeng, som gir respons og kjem med til tider vanskelige spørsmål.
På ettermiddagen er det tid for idrett. Dei har turneringar i volleyball og fotball.

I går fekk me 3 pakkar som me har venta leeeeeeeenge på. Dei hadde brukt nesten to mnd på reisa. Det er ikkje langt i frå at jula varer heilt til påske dette året. Men me er glade dei kom fram! Mykje godt og kjekt. I går sat eg oppe til langt på kveld og las Autofil.

Full konsentrasjon i fotballspel

Sol og sommar

Nå har me hatt ei herlig veka i varmen på ferieplassen vår. Me har bada i basseng, vore på stranda, i eit badeland med nok av rutsjebanar, brunne bål, spela spel og kosa oss i varmen. Ungane har knapt nok vore på land i løpet av veka. Det har vore hopping, stuping, surfing og plasking i ett kjør. Fleire av oss var litt halvsjuke i løpet av veka, men det klarte ikkje å ødelegga ein flott ferie.

Me var saman med fam Monsen, og fam Herigstad var på besøk i helga. Me var og å besøkte Inger Johanne i Mollendo. Hu stilte med mykje snadder til kaffien.

Etter ei veka der har me nå tatt turen til Arequipa. Og aldri har me opplevd denne byen surare

enn nå. Regn og grått, halvkaldt og surt.

Julekveld i januar

I går kom to av pakkane frå Norge med julepresangar og godsaker. Ungane var enige om at me måtte spara pakkane til kvelden, så vart denne laurdagskvelden ein ekstra julekveld. Silas meinte me burde finna fram juletreet igjen, men det forslaget vart nedstemt. Men med pakkar og norsk snop vart det ein fest.

I morgon reiser me til ferieplassen ved Stillehavet og nyt sommaren ei veka. Med basseng i hagen og utsikt mot havet er det ein god kvileplass. Etter den veka skal me vera ei lita veka i Arequipa før me reiser heim. Så det blir nok ei stund til neste innlegg på bloggen.

Sebra og sebra

Eg har aldri visst at det var fleire sortar sebraer, men det er det. Eg ha sett det med eigne auger i dyreparken i Lima. Der fekk eg og høyra ein god måte å sjå forskjellen på dei. Dei eine er svarte med kvite striper, dei andre er kvite med svarte striper. Ser du kva som er kva??

Nyttår i Lima

God middag på nyttårsafta
Larcomar, kjøpesenter på kanten

Nå er me tilbake etter nokre innhaldsrike dagar i storbyen Lima. Der bur det ca 9 millionar menneske!
Me reiste dit ettermiddagen på nyttårsafta. På flyplassen møtte me fam Harestad som kom frå Arequipa. Me budde i ein suite, med stova, kjøkkenkrok, to soverom og bad. Den låg sentralt i bydelen Miraflores. Etter at me hadde installert oss, gjekk me ut og åt ein god middag på ein restaurant. Så var det heim å legga dei minste før me gjekk opp på taket av hotellet for å sjå på fyrverkeri. Men det var meir å sjå i Juliaca på julafta.
Neste dag gjekk me litt rundt i nærområdet, åt på Burger King og tok ein tur på stranda. Det var ei steinstrand der ungane kosa seg med å bli skylt inn på land av bølgene. Om kvelden bowla me med dei eldste ungane.
2 jan var me på Migrasjonskontoret og fekk carnet til 4 av ungane(David er peruaner). Når me var ferdige der reiste me til dyreparken og såg masse forskjellige dyr. Det var populært.
Så var det litt shopping på damene etterpå, og kafe på mennene seinare på kvelden.
Når me skulle reisa heim dagen etter, var flyet 1 ½ time forseinka, men det gjorde ingenting, for me fekk gratis mat på Mac Donalds.