7xHovda

Solveig fyller 7 år

2012-02-02T23:50:00.000+01:00

Godjenta vår veks stadig, og nå fyller hu sju år. Hu trives på skulen, og er ekstremt sosial. Hu har knapt kome heim frå skulen før hu har ein plan om å gå på besøk. Når hu blir kjent med nye sympatiske personar går det ikkje lenge før hu seier: Eg blir med deg i huset!
Så langt eg har fått med meg er det største ønsket til 7-årsdagen ein del sjokolade. Når me forklarer hu at hu ikkje kan få verken det eller Nugatti kvar dag, har hu lært seg til nokre overbevisande måtar å spør på: Ver så snill. Pliiiiiis! Bare litt, bitte, bitte, bitte litt.
Når det er bursdag er det sjølvsagt eit unntak frå alle reglar. Det blir nok ein god dag, som blir feira i dagevis..

Det er topp med snø!

Vil du gratulera hu, kan du skriva ein kommentar, så skal eg overrekka helsinga.

Ekstrem opp-pussing

2011-12-15T22:45:00.000+01:00

Som mange av dykk veit, så kom me heim frå Peru i sommar, og då kom me heim til eit ny-opp-pussa hus. Me er veldig takknemlige og glade for alle som var med på det, det var ein heilt utrulig velkomst-gave å få.
Så her er nokre før og etter bilder, så dokke kan sjå kvifor me er så glade og fornøgde!

Kjøkken FØR

Kjøkken ETTER

Kjøkken 2 FØR

Kjøkken 2 ETTER

TV-stova FØR

TV-stova ETTER

Stova FØR

Stova ETTER

TV.stova 2 FØR

TV-stova 2 ETTER

Legg merke til dei første bilda, og veggen som er borte. Og på TV-stova har det skjedd ein del med dørene. Kjølerom er borte, nå er det kjølehjørne og god skap-plass.
Alle vindu og dører er blitt kvite, veggene var før malte plater, nå er det malt tapet osv.osv.

Me seier bare ennå ein gang: Tusen takk!

Julestemning på Jæren

2011-12-11T00:01:00.000+01:00

Julestemning på Holmavatn

Det var jubel og glede i heimen første dagen det var eit tynt snølag utfor døra, og det kom meir. Då måtte både halte og friske ut å sjekka kva dette var. Det var kaldt, men moro. Så lenge det varte... Nå håper me at det kjem meir til jul.
Eg har vore på arbeidarsamling på Holmavatn nokre dagar denne veka. Det var kjekt, og der var det ennå meir snø.

Fulltreffar!

Trefot ingen hindring!

Brith-Jorunn har bursdag

2011-11-27T00:19:00.000+01:00

Kven skulle trudd at denne flott dama blir tretti-tretten år i dag? Sprek, kjekk og pen. Gratulerer med dagen frå resten av heimen!

Bursdag med kake og gips

2011-11-21T22:50:00.000+01:00

Slik ser David ut som fjorten-åring

Slik ser Silas ut med gips

David sin 14-årsdag vart feira med møte på Finnestad, middag og kaka i Noredalen, og bowling på Hana. Dagen fekk ein dramatisk vending då Silas måtte på sjukehus med ein skada fot. Han dreiv styrketrening på Tryggheim under julemessa på laurdag, og fekk noko over foten. Me trudde ikkje det var brudd, men når den var veldig vond å trø på neste dag, vart det bestemt at han skulle på røntgen, og han hadde brudd langt nede på leggen. Så nå er det gips og krykker på han fram til jul!
Han ser ikkje heilt lyst på det, sidan livet for han er å koma seg ut av huset og utforska livet i de djupe skoger på Nærbø.
Ellers må eg nevna at sist innlegg var eit aldri så lite jubileum, nemlig innlegg nr 300 på bloggen! Tviler på at det blir 300 til, men det vil tida visa.

Fjortis i heimen

2011-11-20T00:13:00.000+01:00

Då er det jammen blitt 14 år sidan David såg dagens lyd. Han er ein aktiv gut som bruker tid på skule, venner, politikk, venner, data, venner, fotball, venner, og sjølvsagt til djupe samtalar med foreldra sine.

Vil du gratulera han med dagen, kan du godt det.
Bildet er ikkje heilt oppdatert, men det er iallefall av David.

Mika 5 år

2011-11-04T08:47:00.000+01:00

I dag er Mika 5 år. Han vart feira i barnehagen i går, i dag feire me heima, og over helga blir det selskap med venner.

Han vart vekt med klare røster som sang ein nydelig versjon av "Happy birthday".

Haustferie på Fogn

2011-10-18T21:00:00.000+02:00

Inni den hole eika

Mika kosa seg i sauhuset

Bestå arrangerte bollebaking

Fire gode venner

Full fart

To gode arbeidskarar

Dei lystige bømder

Siste del av haustferien tok me turen til Fogn, og hadde nokre flotte dagar der. Me hadde flott haustver og ungane kosa seg saman med søskenbarn, onklar, tanter og besteforeldre. Nokre jobba, andre tok livet med ro. Men trur alle hadde nokre fine dagar.

Litt av kvart

2011-09-29T17:40:00.000+02:00

Me hadde besøk av familien Mulelid, det var kjekt

Eg har tenkt kvar år når nokre av perumisjonærane reiser heim, at dei kunne vel blogga litt frå livet i Norge og. Men eg ser jo nå, at det er ikkje heilt det same å blogga om kvardagen i Norge. Og så er livet travelt.

Men eg prøver i alle fall eit innlegg til før eg vurderer å legga ned bloggen vår.

Litt av kvart sidan sist..

Mika er klar for båttur

Andrea til hest

Her bur me nå(har vore vanskelig å ta bilde uten å få dråpar på linsa..)

Brith-Jorunn har fått piano i hus, det har hu sakna

Tilbake i Norge

2011-07-16T23:57:00.000+02:00

Ja, då har me landa i Norge, og synes det er godt å treffa vener og familie igjen. Ein god gjeng av venner og familie hadde gjort ein enorm innsats med å pussa opp huset vårt. Me er mållause og takknemlige for alt som er fiksa og ordna. Nå venter me på at kjøkkenet skal monterast, så begynner me med å flytta inn.
Me bur hos Brith-Jorunn sine foreldre nå, og har hatt eit par turar til Fogn.
Det har ikkje vore så fantastisk sommar til nå, men me har hatt nokre fine dagar. Her nokre bilder frå ein tur i Noredalen.

På tur i Noredalen

Yes, me kom oss opp

Herjing med mamma

Det er ei spennande tid, og me lander vel ikkje heilt før me er i eget hus og kvardagen starter. Me er utrulig glade for åra me har fått i Peru. Vennskap og samarbeid med peruanerar og misjonærar frå Norge og Danmark har verkeleg berika livet vårt.

Feriebilder USA

2011-06-28T17:03:00.000+02:00

Båttur i 80 km/t

Nå er det ikkje lenge til me set oss på flyet til Norge. Me har vore ei god veka i Florida, først i Miami, så i Orlando. Det har vore dagar fylt med innhold. Her kjem nokre bilder frå dei første dagane over there.

Tid for avskjedar

2011-06-15T04:48:00.000+02:00

Fin gjeng i Juliaca

Nå er det tid for avskjedar. Sist veka var eg på tur til Juliaca og Moho saman med Andreas og Helge. Der fekk me vera med på ein avskjedsfest med ungdommane i ”Luteranos al toque”. Det var utrulig kjekt å vera saman med dei. Det var kjekt å sjå ungdommane som var der når me budde i Juliaca, men og utrulig kjekt å sjå at dei får med seg nye. Den kvelden me var der, var det 3 som var der for første gang. Og dei har ei lista med 40 ungdommar som kjem meir eller mindre jevnt og trutt.

Me begynte med møte, så var det kake og kaffi, og alle måtte sei nokre ord til meg(og dei som eg aldri hadde truffe). Det var fint å høyra kor takknemlige dei var for at me hadde vore med å starta opp dette. Så var det ein avdeling med leik og moro, før me avslutta ca 2,5 time seinare enn dei pleier.

Ein del av dei som var i kyrkja på søndag

På søndag var det avskjed i kyrkja me har gått i dette året, ”Jesus es vida”(Jesus er livet) i San Martin. Der var det og konfirmasjon av 4 ungdomar den dagen. Etter møtet var det mat og kake.

Tid for mat

"På tross av avstanden er me alltid forent i Kristus"

Nasjonal Pastor Milton overrekker gaver

I går hadde me avskjed med den nasjonale kyrkja og misjonen her i Peru. Fin fest med variert program, der Andreas glimta til med mange gode ord og gullkorn til oss som skal reisa. Der hadde me og god mat og kake.

Mika og eg iført gavene frå den nasjonale kyrkja

Unge frå nabolaget me bur i

Same kvelden hadde me avskjed med nokre barn/unge som bur i nabolaget her. Me hadde eit lite møte, chips, brus og kaker, og så leika me litt.

Me er ikkje ferdige med avskjedane ennå, men laurdag morgon reiser me frå Arequipa, så nå nærmer det seg slutten på tida vår her.

Peter 12 år

2011-06-05T05:04:00.000+02:00

Peter fyller 12 år, og nå er feiringa i full gang her i huset. Det har vore pizza og brus, så ein tur i parken med fyrverkeri, så forskjellige bær og is, og ein quiz der me fann ut at viss Peter hadde vore finsk ville han blitt kalla Pekka:)

Hipp Hurra for Peter som fyller 12 år!

Dei som vil gratulera han med dagen, kan klikka på kommentarer og skriva nokre gode ord der.

Pakking

2011-06-03T00:48:00.000+02:00

Nå er det ikkje lenge før me skal reisa frå Arequipa for å busetta oss på Nærbø. Me glede oss til å vera i nærheten av familie og venner i Norge, men grue oss til avskjed med venner og kollegaer her. Me har hatt nokre fine år i Peru, og det er vemodig å reisa frå både landet og folket som me har blitt glade i.

Mika og Solveig er klar for sending

Brith-Jorunn har pakka mest, og glede seg til å pakka ut igjen

Dei siste vekene har iallefall blitt brukt til å pakka storbagasjen, som nå er klar for sending.
Ellers er eg, Sverre, glad for å ha overlevert kontoret til Andreas.

17.mai feiring

2011-05-20T05:30:00.000+02:00

Me hadde ei flott 17.mai-feiring i Arequipa. Dagen begynte med frukost på skulen, der alle hadde med seg litt snadder, og til saman vart det masse snadder. Så var det ut å gå i tog, før skulen hadde eit variert og flott program for dagen. David hadde 17.mai talen, som var både historisk og personlig.
Etter skulen sitt program var det tid for leiker og is. Middagen var grillmat, før feiringa vart runda av med kaffi og kaker. Veldig bra dag, i strålande sol:)

Mika i finstasen

Ungdoms-skule elevane

Me går i tog

Damene i familien

Peter syng ut

Grillmat

Vil du sjå fleire bilder frå 17.mai i Arequipa, kan du sjekka Helge sin blogg, Skyttemyr sin blogg eller Bu sin blogg

Morsdag

2011-05-10T04:59:00.002+02:00

I Peru er morsdagen ein dag som blir feira skikkelig. Eg fekk med meg tre morsdagsfeiringar i løpet av helga. Først hadde me fest for mødrene på kontoret, så i barnehagen til Mika, og til slutt var det fest i kyrkja vår på søndagen. Og hos oss fekk Brith-Jorunn velga kor me skulle gå å eta middag:)

I barnehagen til Mika, var det både sang, dikt og dansemoro på programmet, og til slutt var det mat.

Sang til mødrene

Pakke til mamma frå Mika

Mika i et av kostymene

Fint par

Seint på kvelden kom desse og sang for Brith-jorunn

Verdensrekord til Silas

2011-05-09T00:02:00.001+02:00

Her er målet i det fjerne

Silas nyt eit eple og utsikten

Det e kje ofte eg blogge….då ska det ver någe veldig spesielt,- og det e det nå!!!!!!!

Silas har nemlig i to-tre år hatt ein drøm, ein litt sprø drøm te å ver ni år, nemlig å bestiga vulkanen Misti på 5825 moh. Han har snakt om det si eg og Sverre va på Chachani (ca 6100) i des 2008.

Torsdag måren la me i vei samen med ettåringane Julie og Ditte og May Britt som e lerar på den norske skulen. Roberto va og med som personlig guide for Silas i tilfelle Silas sko gi opp. I gruppå va og fem franskmenn med, så me va elleve ialt pluss to guider.

Eg va ganske spent….begynte allerede å bli småkvalm og svimmel dagen i forveien. Men mest av alt redd for at lille Silasen min sko bli skuffa. Hadde nok rulla ganske ner sjøl og om eg ikkje hadde greid det.

Fysste dagen gjekk me 4,5 timer med 14-15 kg på ryggen,- Silas sin va adskillig lettare, men han bar sjokolade og ein del av si egå drikka. Det va bratt og tungt, men Silas va mildt sagt i storform. Han snakka i vei og la merke til all slag småkryp, fine steiner og mose. Han va og opptatt av forskjellige lyder og bæsjer og lurte på ka slags dyr dei hørte te. Svarå mine va som oftast: Ti stilt, me snakke når me komme fram te base-campen. Det tar på å snakka og gå i så tynn luft. Han snakka og om at han gleda seg te å stå opp midt på nattå for å gå vidare......ja, ja godt at någen tenke positivt når me andre strevde med depresssive tankar bare me lyfta blikket mot toppen.

Det va godt å ver framme, få opp teltå og innta ei god og varm grønnsakssuppa. Nydelig solnedgang og fantastisk å sjå Arequipa langt der nere når det begynte å bli mørkt. Klokkå halv sju låg me i soveposane....Silas, May Britt og eg låg tett men det va bare Silas som låg i midten som klarte å holla varmen og sova. Det føltes så langt heim den nattå......

Ok så va det på an igjen....kl halv to sto me opp.....og hutte meg tu så kaldt. Opp og opp og opp,- og så bratt at det va best å ikkje sjå seg tebage (då surra det ganske godt i toppen). Eg hørte ikkje Silas klaga ein gong, sjøl om eg kryssforhørte han hundre gonger...har du vondt i håve, e du kvalm, fryse du, e du trøtt. Rett før toppen spurte eg koss det va med an. Svaret kom kontant: Bedre enn på mange år:)

Me fekk brukt is-økser, pigger på sko, og å gå i tau pga av snø på toppen. Den siste kneika va ganske stri for oss begge, men å så godt å ver oppe......og for ein KONGE følelse å nyda DEN utsikten. Snørr, svette, slit, naglabet =iskalde fingertupper og sprukne og blodige lepper (sjå bilde:)........men verdt strevet???????????????????? JAAAAAAAAAAAAAAAA.

Eg tulle ikkje når eg seie Silas låg fram i teten heile turen,- og eg hadde problemer ei stonn med å holla følge. Roberto som sko bera Silas sin sekk, bar andre sine.....Silas sko bera sin sjøl. Ei stonn lurte an på om an sko hjelpa meg med min og.

Av elleve var me fem som va heilt oppe på toppen.......så du har all grunn te å ver stolt Silas. Din store drøm har gått i oppfyllelse.....og mamma unne deg denne seieren av heila sitt hjerta. Verdens første ni-åring te Misti (i følge guidane)

Halv fira om etter middagen va me nere med bilane...og gjett kem som va fysst itte guiden? Ja, heilt rektig!

Nå snakke han bare om neste topp han ska bestiga før an reise te Norge, men det må bli uten mamma. Trur an la ein plan med ein av guidane J

Me fekk og oppleva englevakt på turen då ein stein, ganske stor kom rullande ifull fart midt mellom gruppå....ein halv meter frå Silas. Takk Jesus, og takk for at du hjalp oss opp!!!!!!

Topp motivert

May Britt, nasen til Julie i skyggen av Misti

Det kosta blod og svette, men her er målet nådd

Silas på høgaste punktet, med krateret i bakgrunnen

Avskjed med høgfjellet

2011-04-30T04:49:00.000+02:00

Quintin og Julia i Ticani ved Azangaro

Keynes, Emily og barnebarn til Quintin og Julia

Delia frå Azangaro

Avskjed i Moho

Venner frå Jasana Grande

America heiter denne solstråla

Pizza med gode venner frå Juliaca

I påska tok me ein tur til fjells for å ta avskjed med vennene våre der. Det var vemodig, men og kjekt at me fekk treffa mange av vennene me har vore saman med dei åra me har budd i Juliaca. Me begynte i Azangaro, så reiste me til Moho der me var med på påskemøte på langfredag. På laurdag og første påskedag besøkte me venner i Juliaca.

Siste Norges-besøk

2011-04-21T06:30:00.000+02:00

Glade gutar på vei til Taquile

Ein del av gjengen

Mathias og Peter

Søndagens tekst i "skogen" i Juliaca

Utsikt over Juliaca ved Cristo Blanco

Leif Christian og Silas

Då har me hatt siste Norges-besøk. Sofie, Mathias, Leif-Christian og Christoffer Inge har vore her ei veka. Dei var ei veka i hos familien i Ecuador før dei kom hit. Me har kosa oss saman med dei. Ungane var ein dag på skulen, me hadde ein tur til Puno og Juliaca, ein dagstur til ferieplassen på kysten, og avslutta festreisa med rafting. Veldig kjekt å ha dei på besøk, og i dag begynte dei på turen til Norge.

Gøy i bassenget på Miramar

Silas 9 år

2011-04-20T03:13:00.000+02:00

Silas, tredje mann frå botn og topp, fyller 9 år i dag. Han er glad i å leita etter skattar og å utforska naturen. Litt rastlaus og liker når det skjer noko, helst noko med fart og spenning. Ein god gut som me er glad i. Vil du gratulera han med dagen, kan du legga igjen ein kommentar!

Konferanse i Bolivia

2011-04-08T06:29:00.000+02:00

På laaang busstur

Det går lenge mellom blogg-innlegga for tida, skal prøva å skjerpa meg! Sidan sist har me vore i Bolivia på konferanse. Det er ei heile reis, først 10-12 timar i buss, så ein kort flytur. Når me skulle bort starta me kl 6, og var framme kl 22. Men det gjekk egentlig veldig bra.

På konferansen hadde me egne Peru- og Bolivia-konferansar, og ein del der me var saman. Me hadde og besøk av kyrkjelederar frå både Bolivia og Peru. Veldig kjekke dagar på eit fint hotell. Skuleungane hadde flott opplegg, og dei små hadde nokon som tok seg av dei.

Me vart igjen nokre dagar etter konferansen, for eg var inviterte til generalforsamling i den bolivianske kyrkja. Då fekk me testa gjestfriheten til familien Bergane, og den var upåklagelig.

Nå er det litt kvardag igjen, men snart får me besøk frå Norge. Følg med!

Mebudde i desse husa

Forsøk på idyllisk familiebilde

Ut i naturen

2011-03-06T05:30:00.000+01:00

Litt snadder gjer susen

Den siste tida har det regna mykje i Arequipa, og det viser godt i landskapet rundt byen. I dag tok me oss ein tur til ein plass som heiter Characato, og der var det flott. Me hadde med kaffi, juice og brownies, så me klarte å halda kaloribalansen i sjakk. Farlig å forbrenna for mykje utan å få tilførsel av næring:) Peter sparka til ein stein, og då fekk me sjå noko me ikkje har sett i Arequipa før: ein skorpion.

Skorpion

Grønt og fint

Fotoblogg

2011-03-01T05:31:00.000+01:00

Eg har vore på ein heilt utrulig fotosafari i Patagonia. For å lesa meir om den og sjå bilder derfrå har eg laga ein egen fotoblogg. For dei som er interesserte i fuglar, dyr og fin natur vil eg anbefala ein tur til Sverres Fotoblogg

Santiago

2011-02-17T05:05:00.000+01:00

Plaza de Armas i Santiago

I dag har eg vore i Santiago, hovedstaden i Chile. Har vore på den norske ambassaden å informert om arbeidet vårt, og sett oss litt om i byen. Ein fin by.

Ut på tur

2011-02-16T00:10:00.001+01:00

Viss nokon lurer på kor eg er dei neste 10 dagane, kan dei sjekka desse linkane. Glede meg bittelitt kjenne eg:)

http://www.patagoniaphotosafaris.com/
http://www.patagoniainteractiva.com/

Satse på at det blir eit par blogginnlegg etter den turen!

Sykkeltur

2011-02-10T02:59:00.000+01:00

Har ikkje vore den store aktiviteten på bloggen i det siste, men det skjer nå litt heile tida. I dag tenkte eg å koma med litt gamalt nytt. Når me hadde besøk i januar, var me nokre tøffe karar som fann ut me skulle ta ein vill sykkeltur. Med mine erfaringar frå sykling, var eg grunnleggande skeptisk, men eg vart med. Me sykla frå 4800 og heilt ned til ca 2500 på kort tid. Lynet frå Randaberg slo seg heilt laus, og Sunnmørs-ekspressen låg hakk i hel. Eg kom meg heilskinna ned, og var meir enn fornøgd med det.

Utanom dette, har det vore ein del reisning på fleire i familien i det siste, og reisemålet har vore Bolivia for alle. David var på skuletur, Peter fekk vera med fam Dobbe på konferanse i La Paz(sjå bloggen deira), og han far sjølv fekk seg ei lita veka i Cochabamba og La Paz ispedd nokre spredte styremøter.

Fra hav til hei

2011-01-13T22:46:00.000+01:00

Nå reiser snart besøket vårt heim. Me har hatt eit par flotte veker saman med Anna, Jan Erik, Leon og Adam.

I Arequipa har nokre av aktivitetene vore go-cart, rafting, og downhill-sykling. Så hadde me nokre herlige, avslappande dagar ved Stillehavet, før me tok ein snartur til Juliaca og Puno.

Innimellom har det blitt tid til å sjå litt av Arequipa.


Huset vårt i Juliaca har blitt eldresenter

Anna og Adam på Titicacasjøen

Jan Erik nyt livet ved sivøyene

Nå e det nok! Mika og Adam vasker bord med skitvatn..

Leik på ferieplassen

Grilling av marshmellows

Fam Aanestad på strandtur

Leon

Julefeiring

2010-12-26T05:53:00.000+01:00

Julafta her begynte med ein god frukost, før me gjorde oss klar til gudsteneste. Me var mange norske/danske samla både av fastbuande og gjester.
Etter gudsteneste var det nokre som satte i gang med forberedelsar til pinnekjøt-middag, andre fekk tida til å gå med forskjellig tidtrøyte. Pinnekjøtet smaka fantastisk godt, og nokre åt nok meir enn dei strengt tatt hadde trengt.
Så var det tid for juletregang og så var det utdeling av pakkar. Stemningen var høg, og alle var godt fornøgde. Rundt midnatt begynte fyrverkeriet for å markera Jesu fødsel, og nokre av oss var ein tur ute og brente av nokre kina-puttar.
I morgon skal me i kyrkja, før me set nasen mot Stillehavet.

Her er me klare for pinnakjøt

Dette var spennande!

David, Mika, Silas, Solveig og Peter, fine gjeng

Syngende damer

2010-12-24T06:42:00.000+01:00

Mika og Solveig kledde seg ut og sang ein dag. Trykk på kobling for å sjå video.
Mika og Solveig syng

Juleavslutning

2010-12-22T05:34:00.001+01:00

Den siste veka har det blitt fleire juleavslutningar. I dag vil eg visa nokre bilete frå juleavslutninga i barnehagen der Mika går. Det var imponerande kor mykje ungane i barnehagen hadde klart å læra. Dei sa fram profetiar om Jesus frå gamle testamentet og hadde flotte innslag med sang, dans og skuespel. Mange stolte foreldre, søsken og besteforeldre fekk med seg denne begivenheten. Sjå meir på Familien Bu sin blogg.

Månelys

2010-12-20T04:54:00.000+01:00

Det er ikkje så lenge sidan eg kjøpte meg stativ, og når me var i Colca denne veka testa eg det ein kveld med månelys. Det vart ganske fint. Vil du sjå bildene større, kan du klikka på dei.

Colca-tur

2010-12-19T05:09:00.000+01:00

Bading i vatn frå varme kilder(ca 35 grader)

På torsdag etter skuletid reiste me på tur til Colca. Det vart ny høgderekord for gjestene våre, høgaste punkt på veien er 4910 m.o.h. Dei vart meir eller mindre satt ut av høydesjuke, forkjølelse og høydeskrekk, men etter kvart gjekk det mykje betre. Me bada i varme kilder, var ein tur i byen Chivay og avslutta turen med å sjå to kondorar når dei aller fleste andre hadde gitt opp og reist videre. Kjekk tur i flott natur!

Silas og baby-alpakka

Me venta ei stund på kondoren, og mange som hadde venta eit par timar utan å sjå noko, gjekk slukøyra heim. Men så, plutselig kom det ein kondor, og rett etter ein til. Då vart det ein vellykka utflukt!

Besøk frå Norge

2010-12-16T03:57:00.000+01:00

Nå har me fått besøk av morfar, bestemor og ei tante til Brith-Jorunn. Brith-Jorunn reiste til Lima for å ta imot dei, og på søndag ettermiddag var resten av familien på flyplassen for å ta imot dei. Det var stor glede når dei endeleg landa. Litt skjelvne etter ein litt hard landing i Arequipa, var dei svært så glade for å vera vel framme. Koffertane var sprekkeferdige av pinnakjøt, brunost, snop og julepresangar.

Kjeme dei ikkje snart

Tydelig glede for å ha overlevd flyturen

Kjekt å herja litt med morfar

Nå er det god gang på julebaksten, og me hadde mors/bestemors kjøttkaker til middag. Etter nokre dagar i Arequipa er me nå klar for å visa dei litt meir av Peru. Men det får me skriva om i neste blogginnlegg.

Advents-samling og feiring

2010-11-29T05:38:00.000+01:00

I ettermiddag hadde me advents-samling på skulen, med lystenning og innslag av elevane. Me forstsatte programmet med felles feiring av David og Åsfrid, som blir tenåringar i desse dagar. Me spidda pølser på bål, hadde leiker og avslutta dagen med banansplit, kaffi og kake. Sosial og kjekk dag.

Jubilantar

2010-11-27T06:30:00.000+01:00

Og i dag er det Brith-Jorunn som fyller år. Kven skulle tru at denne spreke dama alt er langt oppe i 40-åra?(iallefall lenger enn mannen:)

Me har og fått ein tenåring i hus. David fylte 13 år sist laurdag, men var vekkreist på dagen. Den nøyt han på leirplassen ved Stillehavet. Dei som vil gratulera dei kan trykka på "kommenter" og skriva ei helsing.

Kånehyl

2010-11-14T05:06:00.000+01:00

Brith-Jorunn har hatt besøk av to veninner, og dei fann på mykje kjekt. Blant anna rafta dei. Dei hadde og med dei to danske ett-åringane på denne begivenheten. Her er eit lite klypp frå den turen. OBS: sterke lyder!

Mika 4 år

2010-11-04T05:11:00.000+01:00

I dag fyller Mika 4 år. Han har tenkt å ha åpent hus frå kl 16.30, så dei som vil kan koma på kaffi, brus og kaker.

Besøk

2010-11-01T04:39:00.000+01:00

Nå har me fått besøk frå Norge, og dei hadde koffertane fulle av snop og snadder. Så nå er det fullt i snopeskapet. Ingunn og Tove er gode å ha i hus, dei leiker med ungane, pusser tenner, vasker opp og baker. I helga har me vore på kysten ein tur, og snart reiser dei saman med Brith-Jorunn til Colca, Juliaca og Puno.
Til menn og barn i Norge som er bekymra for dei: Det går bra med dei, og me skal passa godt på dei.

Haustferie

2010-10-23T07:04:00.003+02:00

Denne veka har me vore på leir ved Stillehavet. Arild Herigstad, som har vore bygge-ansavrlig for den nye leirplassen til kyrkja, laga program og inviterte dei som hadde anledning til å reisa eit par dagar til kysten.

Me låg i hytter, delte på å laga mat og vaska opp, og fant på mykje kjekt. Me var på stranda, ungane bada, leika i sanden og leika med dragar. Me var og ein ettermiddag på fereieplassen, der dei som såg syn på det, kunne ta seg eit bad i bassenget.

Det er ikkje sommar ennå, men me var heldige med været, og det var varmt og fint. Den eine dagen når me var på stranda, såg me ei sjøløva som leika seg i bølgene.

Tørrprat

2010-10-17T04:46:00.003+02:00

Brith-Jorunn, Solveig og Mika i parken
Brith-Jorunn koser seg i hagen
Leirplassen Campel der me skal ha nokre dagar haustferie

Det skjer stadig ting i Peru, men eg har litt skrivetørke for tida. Derfor tenkte eg at eg skulle tørrprata litt å sjå om det kan bli ein oppdatering av det. Me har hatt ein haustkonferanse saman med Bolivia, det var kjekt, men det kan du lesa om på ein mengde bloggar både frå Peru- og Bolivia-misjonærar. Så eg gidd ikkje finna på ein ny vinkling på det.
Nå er det haustferie her, og me tar nokre dagar på kysten for å testa ut den nye leirplassen som ligg like ved ferieplassen vår. Gleder oss til det.
Eg har forresten hatt bursdag, og det feira eg med kaffi og snadder. Nå er eg på full fart mot dei 50!
I Norge rekner eg med det blir kaldare og kaldare, her går det andre veien. Fint å setta seg ut i hagen etter middag og nyta ein kopp kaffi.
Brith-Jorunn liker å stulla og stella i hagen.
Om ettermiddagen er ungane ute i parken og leiker. Der møter dei ofte andre av misjonærbarna og.
Då trur eg ikkje eg finn på meir å skriva, men plutselig er eg tilbake!

Gjensyn med Tacna

2010-09-30T06:08:00.003+02:00

Frå Ilo køyrde eg til Tacna, og når eg køyrde frå kysten og opp mot Tacna, kjente eg korleis noko av hjarta mitt høyrer til i denne byen. Me budde her frå 2000 til 2001.

Eg reiste til ein av dei som eg kjenner best i Tacna, og fekk snakka med han og kona ei stund. På ettermiddagen var me sør i byen og besøkte ei som har gått i vår kyrkja, som har kreft. Kyrkja vår i den delen av byen er stengt, så hu går nå i ei anna evangelisk kyrkja.

Om kvelden hadde me eit husmøte, der eg snakka litt om luthersk identitet før me såg ein film om ein gut som ber for far sin, og får sjå korleis Gud grip inn og frelser faren hans.

Søndag formiddag var det tid for gudsteneste, og det var flott å sjå ein fin flokk som kom for å høyra Guds Ord forkynt. Utrulig kjekt å vera i kyrkja som me jobba mest i når me budde i Tacna. Ein ny familie er ivrig med, og ein av dei som kom på ungdomsmøte når me budde i Tacna, kjem nå saman med familien sin. Det er fleire år han ikkje har vore aktiv i noko kyrkje.

Ei ung jente hadde søndagskule for 6 barn.

Det var godt å vera der, og åpent å godt å tala Guds Ord.

Etter møtet reiste dei å kjøpte kylling og pommes frites, så åt me det saman før eg begynte på heimturen gjennom ein av verdens tørraste ørkenområde.

Langs veien

2010-09-28T06:05:00.003+02:00

Det kan vera farlig å køyra på veiene i Peru. Her står det at det er ein viss fare for eksplosjonar, og i følge illustrasjonen kan du rett å slett bli bomba!
Som skiltet tydelig viser, kan det bli noko bratt..
Ikkje mange slike strekk på vestlandet!

Besøk i Ilo

2010-09-27T05:17:00.004+02:00

Kyrkja i Ilo

På fredag reiste eg for første gang til Ilo, der kyrkja har starta opp eit nytt evangelisk arbeid. Pastoren som jobber der, heiter Ricardo, og han har eg jobba saman med både i Juliaca og i Tacna.

Han møtte meg når eg kom fram, og eg fekk sjå kor han budde og kor kyrkja var(same huset). Etter det reiste me ut for å besøka nokre av dei som kjem i kyrkja. Første plassen me køyrde, var eit typisk nybyggarstrøk, med meir eller mindre provisoriske hus, og utan skikkelig vei, bare spor i sanden. Men hu som me skulle besøka var ikkje heima.

Så køyrde me til eit anna hus, der traff me ei dama. Hu hadde gått i ei av våre kyrkjer som barn, og kjente fleire av misjonærane som har vore i Peru. Når hu flytta til Ilo for 16 år sidan, var det ikkje noko luthersk kyrkja her, så hu begynte i ei anna evangelisk kyrkja. Men når hu traff Ricardo her, har hu kome ei del i vår kyrkja igjen. Ricardo seier at den kyrkja hu går i, ikkje har mykje evangelium. Men mannen liker ikkje at hu går i ei anna kyrkje. Me delte litt frå Bibelen med hu, og hu var svært takknemlig for det. (Gud har sendt dokke til meg i dag)

Så reiste me til eit hus i nærheten av sentrum. Ein gut på 10 år slapp oss inn, og sa at mora ikkje var komen frå jobb ennå, og at faren kom heim i morgon(han jobber i ei gruve). Mora kom, og fortalte at hu var så glad for at nokre problem på jobben såg ut til å løysa seg. Hu hadde vore så bekymra. Hu fortalte at hu var så glad for at hu hadde begynt å gå i kyrkja og fekk muligheten til å bli kjent med Gud. Hu hadde tenkt på det ei stund, og hadde gått i den katolske kyrkja, men det hu fekk høyra der, fylte ikkje hjerta hennas.

Hu var så takknemlig for Ricardo og Maria, som besøker dei og deler Guds Ord med dei. Hu var og glad for at yngste guten hennas var så ivrig etter å gå i kyrkja. Hu har gått i kyrkja vår sidan mai.

Om kvelden snakka eg med Ricardo til langt på kveld, veldig interessant å høyra han fortella om ei variert teneste på mange forskjellige plasser i Sør-Peru.

Ricardo på besøk hos ein familie
Pastoren i Ilo, Ricardo
Nedre del av byen Ilo, opp til høgre er den nye delen av byen.

Når ørkenen blomstrer

2010-09-21T05:28:00.003+02:00

Når eg var i Yarabamba sist veka, tok eg ein tur rundt i området. Ein av tinga eg la merke til, var at fleire hadde planta blomster på tomtene sine. Det var verkeleg flott å sjå nokre fine fargar i dette støvete ørkenområdet. I arbeidet vårt her, kan det og av og til opplevast som noko tørt og håplaust. Men slik som vatn kan få ørkenen til å blomstra, kan det levande vatnet som me vil dela med folket her, skapa liv, vekst og frukt.
Johannes 4.10 Jesus svarte: «Om du hadde kjent Guds gave og visst hvem det er som ber deg om drikke, da hadde du bedt ham, og han hadde gitt deg levende vann.»

Sidan eg er i det noko sjeldne kreative tankemoduset i kveld, trur eg at eg tar med ennå ein liten kuriositet frå spaserturen min i Yarabamba. Det var noko som eg såg på fleire av dei svært enkle husa som var bygd der oppe. Dei hadde parabol. Ein parabol tek imot signaler frå "oven", det kan vel ver litt av kvart som du kan få tak i då.
Vårt ønske for folket her, er at dei skal få oppleva at det er mulig å finna ein bølgelengde der dei har direkte-kontakt med Gud i himmelen. I Bibelen kan me lesa om Gud som tala til Samuel, og då sa Eli at han skulle svara: Tal, Herre, din tjener hører!
Me har eit ord me vil dela med folket her, som gir dei det som dei mest av alt treng: Eit møte med den levande Gud.
1 Joh 1.3 Det som vi har sett og hørt, forkynner vi også for dere, for at dere skal ha fellesskap med oss, vi som har fellesskap med Far og hans Sønn Jesus Kristus.

Innvielse og nytt arbeid

2010-09-18T06:33:00.003+02:00

På torsdag var eg med på innviing av eit nytt bygg i utkanten av Arequipa. Det er eit rom som brukes som barnehage, men der det og er tanken å samla folk som ønsker å høyra forkynnelse og studera Bibelen.

Me køyrde eit stykke utforbi byen, før me kom til Yarabamba. Det er eit typisk nybyggerområde, der det er bygd ein del enkle hus, men der det ennå mangler ein del vesentlige ting, som vatn og kloakk.

Kyrkja har starta ein barnehage i dette området, og har plassert ein pastor for å starta eit evangelisk arbeid her. Frå misjonen er Olga Stidsen plassert her, og hu skal vera med både i barnehagen og i det evangeliske arbeidet.

Arequipa ligg jo midt i eit ørkenområde, og det merkes bedre når du kjem litt utforbi sjølve byen. Når det kjem eit vindkast her, så ser du korleis støvskya løfter seg. Og når me gjekk litt rundt i området vart dei svarte skoa mine mindre og mindre svarte for kvart stegJ

Det kom godt med folk på innvielsen, ca 50 stk med stort og smått. Pastor Fidel hadde ein andakt, der han snakka om at integrert utdanning måtte inneholda undervisning frå Bibelen. Eg helsa frå misjonen og presenterte Olga, som vart tatt imot med applaus! Ein koordinador frå utdanningskontoret helsa og forsamlinga, i tilegg til representantar frå lokalstyret og foreldre.

Ungane i barnehagen sang ein sang, og ei jenta framførte eit par tradisjonelle dansar. Me avslutta med ein matbit, brus og kake.

Pastor Fidel stilte seg utforbi når programmet var slutt, og noterte navn og adresser til folk som ønska kontakt. Fleire spurde han om kva tid dei skulle begynna med møter, så dette ser lovande ut. Ver gjerne med å be for Fidel og Olga, som skal bruka ein del av si tid på denne plassen.

Etter innvielsen fekk me vera med heim til ei dame som hadde busett seg her ute saman med 3 barnebarn. Foreldra til ungane jobba henholdsvis i Chile og i ei gruva. Det var enkle forhold, for å sei det mildt.

På besøk i eit av husa i Yarabamba
Pastor Fidel noterer navn på nye kontakter
Jenta i barnehagen
Barna fekk kvar sin presang på innvielsen

Pastor Fidel har andakt

I Arequipa

2010-08-28T05:45:00.004+02:00

Huset vårt(det gule med bil utforbi)

Når eg tenker meg om, så trur eg ikkje eg har fortalt så mykje om livet i Arequipa. Me flytta ned hit i slutten av mai, og eg begynte som stedlig representant her i juni. Det er ein kontorjobb, med personalansvar for misjonærane her og å vera misjonen sin representant i Peru. Spennande og mykje nytt å setja seg inn i.
Arequipa er ein fin by, omkransa av høge, flotte fjell. Det bur ca 1 million menneske her, og det er Peru sin ant største by. Både misjonen og kyrja vår har kontora sine her.
Me har begynt å gå i ei kyrkja som heiter San Martin, og der jobber BJ i ein barnehage som dei har i kyrkja sine lokaler.
Me bur i nærheten av ein park, og i nærheten av dei fleste misjonærane som bur her. I år er det 9 elevar på skulen, og det ser ut som dei har det kjekt saman.
Dette året er me 19 voksne og 16 barn, og alle bur i Arequipa.

Ut på tur

2010-08-22T05:46:00.004+02:00

Eit vanlig syn på veiene i utkantstrøk i Peru

Raul, sonepastor i Moho saman med ein boliviansk pastor
Boliviansk musikkgruppe
Kyrkja i Llauli
Partering av nyslakta sau til middagen
Middag saman med lederar i Crucero sone
Nytt tak klart på Martin Lutero i Juliaca

Det har blitt litt lite blogging i seinare tid, eg skal prøva å oppdatera litt oftare. Men det skjer ikkje så mykje i kontorjobben min, i forhold til når eg farta rundt oppe på høgfjellet.

Men for eit par helger sidan fekk Andreas og eg oss ein tur til fjells. Me fekk vera både i Juliaca, Crucero og Moho på ei helg, så det var flott.

Me fekk snakka med lederar, og me fekk vera med på ein internasjonal fellesgudsteneste i Moho sone. Då var me ved ei kyrkja i ei bygd som ligg som ei halvøy inn i Bolivia. Der var det folk frå forskjellige kyrkjer i Moho sone, og ein god del frå ei luthersk kyrkja i Bolivia.

Det var ei innholdsrik og kjekk helg på høgfjellet.

Rafting og oksekamp

2010-07-29T06:09:00.004+02:00

Siden sist har me prøvt å finna på litt forskjellig som kan vera kjekt for ungane, sidan dei har ferie og det ikkje er mange andre ungar her. Heldigvis hadde me besøk av store deler av familien Eggebø frå Cochabamba ei god veka. Det var kjekt. Då var me ute på mykje forskjellig. Me var på gocart, riding, firhjuling, spela mingolf og ein del av oss var og på rafting. Det var litt kaldt, men veldig spennande og kjekt. Ellers var det ein god del leik i parken.
Denne veka kom ein ny familie til Arequipa, det er familien Bu frå Bergen. Tom Georg og dei to eldste barna var med oss på oksekamp i dag. Det er brytekamp for oksar, typisk underholdning her.

Meir feriebilder

2010-07-16T05:51:00.004+02:00

Det var så fint der me var på ferie sist veka, så me legg ut litt fleire bilder av oss sjølv. Vil du studera dei skikkelig, kan du klikka på dei for å få dei større.

Ferie

2010-07-08T05:12:00.004+02:00

Utsikten frå rommet vårt
Full aktivitet i bassenget
Fin strand, og varmt i vatnet
Krokodillar
Mika var litt skeptisk til å kosa med denne
Morsomme "oppblåsbare" fuglar
Ceviche slår an hos store og små, "heilt rått" godt

Nå er me på ferie i nord-Peru, ikkje langt frå grensa til Ecuador. Her er det varmt og godt, og me koser oss med bading og turar. Me bur på eit hotel ved stranda, flott utsikt og nydelig solnedgang. På mandag var me på ein båttur, då besøkte me eit krokodilleoppdrett, med krokodillar i alle størrelsar. Me fekk halda ein liten krokodille. Me besøkte og ei fugleøy, der blåste hannane seg voldsomt opp for å gjera inntrykk på huene, det var stilig. Me køyrde inn i kanalar med ein spesiell type skog, som dei kalla "manglares". Etter turen hadde me ein god middag med sjøkreps, og litt ceviche(rå fisk som har lege i limon). Snadder.

Santiago og hestar

2010-07-01T03:25:00.004+02:00

Nå har me budd ca ein månad i Arequipa, og kome oss godt i orden. Brith-Jorunn og David fekk ein tur til Santiago i Chile for å fornya passet til David, det var visst ein fin by, og dei kosa seg med å sjå seg rundt og gå på kafe.

Ein av dei David og Brith-Jorunn vart kjent med i Santiago.

Nå er det sommarferie, og ikkje så mange å finna på noko saman med. Dei 3 eldste har snakka mykje om at dei har lyst til å gå på rideskule, og i går køyrde me ut til den. Dei syntes det var stas å ri. Litt stor hest for Silas, spørs om me må vurdera å kjøpa ein hjelm.

Fototur 2

2010-06-29T02:28:00.004+02:00

Fin ettermiddag i Matarani. David og Peter syntes og det var stas å vera med på tur. Mange fine fuglar, til og med pingvinar! Vil du sjå bilda større, kan du klikka på dei. Og har du lyst å sjå enda fleire bilder frå turen vår, kan du sjekka Andreas sin blogg.

Pingvinar
Skarv

Peter og David på kanten(dette bildet egner seg ikkje for Brith-Jorunn og bestemødre:)

Fototur 1

2010-06-29T02:22:00.004+02:00

Sist veka var Andreas og eg på fototur til Matarani. Der er det nokre fuglefjell med masse forskjellige fuglar. Her kan du sjå nokre av bildene eg tok.

Flytting og avskjed

2010-06-20T03:28:00.005+02:00

Andrea og Silas er klare til å køyra flyttelasset
Bilen vart full
Mika venter på barnehage-skyssen
Siste kveld i Arequipa for Markus og Andrea
Overnattingsbesøk siste kveld i Arequipa for Sander og John Henrik
Avskjedens time har kome
Då reiser Amalie og Sander

Då har det blitt ei stund utan nyheter på bloggen. Me har flytta frå Juliaca til Arequipa, det har vore litt lite tilgang på internett, og det har vore mykje nytt å tenka på i ny jobb.

Flyttinga gjekk greit, og me budde eit par veker i eit anna hus før me kom på plass der me skal bu dette året. Nå er det meste kome på plass i skuffer og skap, og det er godt.

Me har hatt avskjedsfest med dei som skulle reisa til Norge, og me har vore på flott skuleavslutning.

Mika har begynt i barnehage, og ser ut til å trivast der. Solveig kjem og til å vera i barnehage ein del i sommar.

I går reiste mange av vennene våre frå oss. Det var trist å skiljast frå dei me har hatt så mykje fint og kjekt saman med. Takk for mange gode minner, så satser me på å treffast i gamlelandet når den tid kjem.

Innspurt i Juliaca

2010-05-27T04:49:00.007+02:00

Nå syng me på siste verset her i Juliaca, så nå er det avskjedsfestar i øst og vest.

På søndag var det felles-gudsteneste for alle kyrkjene i sona. Det vart og ein avskjed med oss, og det var ein fin opplevelse. Les meir om den på Mulelid sin blogg.

I går hadde me avskjedsfest for familien Mulelid. David, Peter og Silas tala til vennene sine, og heile familien fekk avskjedgaver. Så var det tid for litt god mat og drøs.

Andrea gleder seg over gode ord frå Silas
Ein gjeng med glade gutar, men avskjed skal jo vera trist....
Randi og Brith-Jorunn med frisk avskjedgave
Robert med sitt nye antrekk, det satt som støpt

I ettermiddag har me hatt kakefest for husjelpene og vaktmannen vår med familiar. Først leik og moro ute, så kaker, kaffi og brus inne. Det slo godt an.

Besøk av sjefane

2010-05-27T03:31:00.005+02:00

Nå er det ikkje mange dagane igjen her i Juliaca. Den siste veka har vore innholdsrik. Eg var ein tur til Crucero saman med to av medlemmene i kyrkja sitt hovudstyre.
Så fekk me besøk av Kjell Jaren(regionledar) og Øyvind Åsland(ledar NLM Utland). Sona her hadde invitert alle kyrkjene til eit møte med dei. Det kom godt med folk og Kjell og Øyvind vart tatt godt imot. Kjell hadde ein god tale og Øyvind hadde ei helsing.
Dagen etter var me på Martin Lutero, såg ein del av Juliaca og snakka med lederar for kyrkja.

På laurdag reiste Kjell og Øyvind videre til Bolivia for å treffa misjonærar og folk frå kyrkja i Bolivia.